Rusia ka reaguar pas lajmit të publikuar në mediat perëndimore se Moska ka tërhequr trupat në kufi të Ukrainës dhe se janë kthyer në bazën e tyre, duke bërë që kjo e fundit të “marrë frymë”.
BBC shkuan se zëdhënësja e ministrisë së jashtme Maria Zakharova shkroi në Telegram se: “15 shkurti 2022 do të hyjë në histori si dita kur dështoi propaganda e luftës perëndimore. Ata janë turpëruar dhe shkatërruar pa u gjuajtur asnjë e shtënë”.
Zyrtarët amerikanë u thanë gazetarëve javën e kaluar se një pushtim rus mund të ndodhte që sot. Rusia ka grumbulluar trupa pranë kufijve të Ukrainës për muaj të tërë, por argumentoi se mund t’i lëvizte forcat e saj të armatosura kudo që të donte në territorin e saj.
Ministria e Mbrojtjes së Rusisë tërhoqi disa forca të saj në bazë pas kryerjes së stërvitjeve ushtarake. Njësitë e armatosura në distriktet perëndimore dhe jugore të vendit do të kthehen në bazat e tyre pas përfundimit të programit stërvitor. Lajmin e konfirmoi një burim i Ministrisë së Mbrojtjes për agjencinë e pavarur të lajmeve ruse “Interfax”.
Discussion about this post