Është pezulluar shembja e hotelit të Fjorentin Belit, pasi një ditë më parë Inspektorati Kombëtar i Mbrojtjes së Territorit (IKMT) në bashkëpunim me forcat e policisë rrethuan zonën në Dhërmi ku ndodhej objekti.
Bëhet me dije se IKMT dhe policia janë tërhequr nga shembja e hotelit, duke nxjerrë si argument se tashmë është sezon turistik dhe veprimet për prishjen e këtij objekti do të ndërmerren në një fazë të dytë.
Mësohet se lidhur me aksionin për shembjen e hotelit ka pasur ankesa dhe nga pronarë të objekteve të tjera të cilët ndodheshin pranë.
Kujtojmë se ky aksion nisi vetëm tre ditë pas përfundimit të zgjedhjeve, ku në Bashkinë e Himarës u shpall fitues kandidati i koalicionit “Bashkë Fitojmë”, Fredi Beleri, i cili garonte përballë Jorgo Goros së PS, ndërsa pronari i hotelit ka marrë pjesë si numërues votash në fshatin Kudhes, zonë ku fitoi dhe ky i fundit.
Discussion about this post