Presidenti i Ukrainës, Zelensky duket se po tërhiqet nga kërkesa për anëtarësimin e vendit te tij në NATO. Kujtojmë se para se të fillonte pushtimi rus, Zelensky kërkonte me doemos anëtarësinë në NATO, ndërsa pak ditë më parë ai ka shprehur një qëndrim ndryshe.
Duke shprehur edhe një formë zhgënjimi për qëndrimin e NATOS në lidhje me luftën, Zelensky ka thënë se vendi i tij duhet të pranojë se “nuk ka një derë të hapur” për anëtarësimin në NATO. “Ukraina e kupton se nuk është në NATO. kombi duhet të mbrojë qiejt e tij në mënyrë të pavarur”, është shprehur ai.
Ndërsa perspektivat e anëtarësimit të Ukrainës në NATO janë dukur gjithmonë të largëta, një nga kërkesat kryesore të Vladimir Putin përpara sulmit ishte ndalimi që kjo të ndodhte ndonjëherë. Zelenksy nga an tjetër është shprehur pozitiv sa i përket arritjes së një paqeje mes Rusisë dhe Ukrainës. Kështu, nëse Ukraina do të përjashtonte plotësisht mundësinë e anëtarësimit të NATO-s, kjo do të kishte simbolikë të konsiderueshme në vazhdimin e negociatave.
Discussion about this post