Mario Prendi është modeli i parë albin, icili tërhoqi vëmendjen e agjencive të modelingut duke marrë pjesë në disa projekte, dokumentarë, si figurant dhe model në revistën “Imodels” dhe ” Vogue Italia”.

Mario i ftuar në emisionin ‘Shqipëria live’ e ka pranon vetë se nëse nuk do të ishte albin nuk do të kishte sukses pasi lëkura e bardhë dhe flokët e arta nuk janë tipare që i gjen shpesh. Albinizmi është rezultat i ndryshimeve gjenetike që është përgjegjëse për ngjyrën e lëkurës.

“Nëse nuk do të isha albin, nuk do të kisha rënë në sy. Jashtë shtetit njerëzit e veçantë janë bërë pjesë e projekteve të ndryshme, ndërsa në Shqipëri nuk do të ishte bërë asnjëherë kjo. Të jesh albin në Shqipëri të përball me paragjykime dhe bullizëm. Është një vend i painformuar dhe  çdo gjë e re dhe jashtë normales, ka paragjykime,”– tha Mario.