Një lëkundje tërmeti është ndjerë në Shqipëri këtë mbrëmje. Nga të dhënat e publikuara, shihet se epiqendra e tërmetit ka qenë në Xibër Hane, Klos, pranë qarkut Dibër.
Epiqendra ishte rreth 18 kilometra larg Burrelit dhe 27 kilometra larg Tiranës.
Lëkundja ka qenë me magnitudë 3 gradë të shkallës Rihter. Nuk raportohet për dëme materiale apo të lënduar. Ndërsa ka pasur panik te banorët.
Një sërë tërmetesh kanë tronditur vendin tonë kohët e fundit, teksa më i forti ishte më 2019, ku pasojat ishin tepër të mëdha, materiale e njerëzore.
Edhe pse tërmeti i fuqishëm ka vite që ka tronditur Shqipërinë, ende shumë familje jetojnë në çadra, pasi banesat e tyre u shkatërruan.
Discussion about this post