Një tërmet i fortë, me magnitudë 7 ballë, goditi rajonin e Marrakech, Marok, duke shkaktuar mbi 600 të vdekur dhe më shumë se 300 të plagosur.
Sizmografët regjistruan lëkundjen në orën 23:11 të së premtes më 8 shtator.
Epiqendra ishte në qendër të vendit, 16 kilometra nga fshati Tata N’Yaaqoub, në komunën e Ighil, 72 kilometra në jug-perëndim të Marrakech.
Sipas Ministrisë së Brendshme marokene, e cituar nga agjencia e lajmeve AFP, numri i të vdekurve nga tërmeti që shkatërroi Marokun mbrëmë ka arritur në 632.
329 persona të tjerë u plagosën, 51 prej tyre në gjendje të rëndë. Bilanci është ende provizor dhe i destinuar të rritet.
Ministria e Brendshme marokene theksoi se tërmeti shkaktoi shembjen e disa ndërtesave. Zonat më të prekura janë të vendosura në provincat dhe komunat e al-Haouz, Taroudant, Chichaoua, Ouarzazate dhe Marrakech.
Bilanci i tërmetit përditësohet minutë pas minute, pasi të dhëna vijnë nga qytetet dhe veçanërisht nga vendpushimet malore pranë epiqendrës. Fshatrat me Atlas janë shumë të varfër, shpesh nuk kanë lidhje interneti dhe shtëpitë janë të ndërtuara me murin karakteristik të bërë me kashtë, baltë dhe gurë. Qendra Rajonale e Transfuzionit në Marrakech ka nisur një apel urgjent për dhurimin e gjakut.
Discussion about this post