Një tërmet me magnitudë 4.5 sipas të dhënave të autoriteteve italiane është regjistruar mbrëmjen e sotme me epiqendër 4 kilometra në veri të Tramonti di Sopra (Pordenone).
Tërmeti u regjistrua në orën 22:19 në një thellësi prej 12 kilometrash.
Sipas mediave lokale, tërmeti u ndje i fortë në të gjithë rajonin, nga Pordenone në Udine dhe Trieste.
Sipas Institutit italian të Gjeofizikës dhe Vullkanologjisë, tërmeti e kishte epiqendrën në Socchieve (Udine). Lëkundjen u ndjenë të forta gjithashtu në Veneto, në Trentino Alto Adige dhe shtet fqinje me Italinë, Austri dhe Slloveni.
Për momentin, nuk ka dëme në njerëz apo materiale.
Discussion about this post