Tërmeti në Shkodër, Mbrojtja Civile: Nuk ka të lënduar

Autoritetet konfirmojnë se deri më tani, nuk ka persona të lënduar nga tërmeti në Shkodër.

Sipas të dhënave paraprake të Institutit të Gjeoshkencave, në orën 14:39:00 janë ndjerë lëkundje tërmeti me magnitudë 4.1 të shkallës Rihter. Epiqendra u regjistrua në Velipojë, në qarkun e Shkodrës, me një thellësi prej 15.8 km.

Lëkundjet janë ndjerë edhe në zonat përreth epiqendrës.

Sipas komunikimeve paraprake me përfaqësuesit e pushtetit lokal, strukturat e mbrojtjes civile të Bashkisë Shkodër dhe Qarkut Shkodër nuk raportohen dëme materiale, konfirmon Agjencia Kombëtare e Mbrojtjes Civile, që shton se mbetet në ndjekje të situatës.