Tërmeti me përmasa katastrofike që goditi Kinën një ditë më parë ka shkaktuar një numër të lartë viktimash. Mediat vendase raportojnë se numri i viktimave në provincën Sichuan, ka arritur në 65.
Epiqendra e tërmetit ishte në Luding, një zonë me lugina, lumenj të vrullshëm dhe rrugë të ngushta, pranë Rrafshnaltës Tibetiane, rreth 200 kilometra në perëndim të kryeqytetit provincial Chengdu.
Lëkundjet e djeshme tronditën ndërtesat në Chengdu, ku 21 milionë banorët janë në izolim për shkak të shpërthimit të koronavirusit të ri.
CCTV shtetëror i Kinës transmetoi sot pamjet e zjarrfikësve dhe policisë me veshje portokalli duke tërhequr një vajzë të re, nga rrënojat e një ndërtese dhe duke e transportuar me barelë në një ambulancë. Pamjet e tjera tregojnë shtëpi prej druri dhe betoni të rrënuara.
Të paktën 37 njerëz vdiqën në rajonin autonom Ghanzi të Tibetit, ku ndodhej epiqendra, dhe 28 të tjerë në kantonin fqinj Simian, sipas CCTV dhe People’s Daily, një organ i Byrosë Politike të komitetit qendror të Partisë Komuniste në pushtet.
Discussion about this post