Qeveria turke ka paralajmëruar se do të vendosë masën e ‘arrestit me burg’ për ata që rrisin qiranë. Mediat truke raportojnë se, dënimet do të fillojnë nga 1 deri në 3 vite heqje lirie.
Shumë nga të mbijetuarit nga 11 provincat e prekura nga tërmetet me magnitudë 7.7 dhe 7.6 ballë në Kahramanmaraş migruan në qytete të ndryshme. Ankaraja ishte një nga qytetet që e përjetoi më shumë këtë valë qytetarësh që zgjodhën këtë qytet për t’u zhvendosur pas tërmeteve.
Megjithatë, me ardhjen në qytet të të prekurve nga tërmeti, filloi një rritje e qirave të shtëpive. Shumë njerëz u ankuan, duke pretenduar se disa pronarë dhe agjentë imobiliare, të cilët përfituan nga ardhja e viktimave të tërmetit në qytet, bënë rritje të jashtëzakonshme.
Zyra e Kryeprokurorit Publik të Ankarasë nisi një hetim në lidhje me rritjen e qirave dhe shitjeve të banesave, pas gjetjeve të Drejtorisë Provinciale të Tregtisë në lidhje me këtë. Në këtë kuadër, u mblodhën të dhëna nga të gjitha faqet ku ishin postuar reklamat e shitjeve dhe dhënies me qira të pasurive të paluajtshme.
Ekipet po shqyrtojnë denoncimet e bëra në Ministrinë e Tregtisë, Prokurorinë e Përgjithshme të Ankarasë dhe 112 një nga një. Ndaj atyre që konstatohet se kanë shkaktuar rritje çmimi do të nis një hetim për veprën penale të ‘ndikimit në çmim’, sipas nenit 237 të Kodit Penal të Turqisë, dhe ndaj tyre mund të ngrihet edhe padi, ku parashtrohet edhe kërkesë për burgim nga 1-3 vjet.
Discussion about this post