Lëkundjet e mëngjesit të sotëm në verilindje të vendit kanë ngritur të tmerruar banorët nga shtrati dhe të gjithë kanë dalë në rrugë. Burimet bëjnë me dije se nuk ka pasur persona të lënduar, por regjistrohen dëme materiale. Njësia Administrative Gjoricë në Dibër është një nga më të prekurat, ashtu si dhe fshati Topojan në Njësinë Administrative Shupenzë 4 banesa janë dëmtuara.
Sipas të dhënave, Njësia Administrative Gjoricë ka pësuar plasaritje dhe dëmtime dhe punonjësit kanë dalë nga zyrat nga frika. Ndërkohë banorët tregojnë se kanë ndjerë 4 lëkundje dhe se kanë dalë të gjithë jashtë. Sipas tyre lëkundja e tretë ishte e më e fortë dhe aty pati dëme materiale.
“U frikësuam, dolëm të gjithë nga shtëpia. Kanë qenë 4 lëkundje, i treti ka qenë më i fortë. Dolëm të gjithë përjashta. Prisnim ndonjë lëkundje më të madhe, por shyqyr nuk pati”, u shprehen ata.
Të gjithë janë në panik, pasi po afrohet data 26 nëntor, ku në të njëjtën ditë një vit më parë vendi ynë u godit nga një tërmet i fuqishëm ku mbetën të vdekur 51 persona.
