Ish kryeministri Sali Berisha ka akuzuar sot qeverinë e kryeministrit Edi Rama se për qëllime elektorale kanë bërë ndryshime në Reformën Territoriale.
Berisha tregoi se si Kashari dhe Zall Herri iu bashkuan Bashkisë së Tiranës për qëllime elektorale të PS, ndërsa tha se ishte i vetëdijshëm që propozimi i tyre nuk do të kishte shumicën e PS.
“Kashari në regjistrimin e 2011, ka qenë Bashkia e 8 më e madhe e vendit. Sot është inkorporuar në Tiranë për qëllime krejtësisht elektorale. Zall Herri që ndahet me territor gjeografik të qartë nga një bashki tjetër me Tiranën është pjesë e Tiranës po për qëllime elektorale. Një ndarje elektorale në funksion të interesave të PS. Dikush mund të pyesë po ju nuk keni votat, pse angazhoheni në një proces? Përgjigja jonë është që ne angazhohemi se reforma territoriale është jashtëzakonisht e rëndësishme dhe ne përgatisim variantin tonë të cilin e kemi shumë të qartë se me një armik të lirisë së shqiptarëve si Edi Rama, që bën gjithçka për të dominuar dhe sunduar vullnetin e tyre, kjo platformë nuk do miratohet, por një votim masiv i shqiptarëve për PD dhe opozitën bën të mundur rikthimin e kësaj ndarje të re territoriale e cila është në interesin më të mirë të qytetarëve shqiptarë dhe të Shqipërisë. Dihet që me progresimin në BE, bashkëpunimi i rajoneve është një ndër më të rëndësishmet në kuadër të këtij integrimi”, u shpreh Berisha.
Discussion about this post