Terrorizoi bashkëmoshatarët me pistoletë lodër,në hetim 14-vjeçari

Një 14-vjeçar ka kanosur bashkëmoshatarët me një pistoletë lodër në Sarandë. Kanë qenë shokët e tij që kanë denoncuar rastin, ndërkohë materialet i kanë kaluar prokurorisë.

Specialistët për Hetimin e Krimeve të Komisariatit të Policisë Sarandë referuan materialet në Prokurorinë e Sarandës, për një shtetas të mitur 14 vjeç, banues në Sarandë, pasi kanë bërë kallëzim disa bashkëmoshatarë të tij, se në shkollën ku studiojnë së bashku, në Sarandë, 14-vjeçari i ka kanosur ata, me një objekt plastik (pistoletë lodër).

Materialet iu referuan Prokurorisë, për vlerësim, në bazë të Udhëzimit të Përgjithshëm nr.15, datë 30.10.2020, të Prokurorit të Përgjithshëm.