Prej 5 muajsh në arrati, sot policia ka vënë në pranga dy të rinj në Shkodër të cilët akuzohen për vjedhje me dhunë. Bëhet fjalë konkretisht për 19-vjecarin me iniciale A.C i cili akuzohet se më datë 02.04.2021, në fshatin Drisht, vodhi nën kërcënimin e armës, një shumë parash në dyqanin e Y. C.
Gjithashtu, mëngjesin e sotëm është kapur dhe ndaluar autori tjetër i dyshuar si bashkëpunëtor në këtë ngjarje, shtetasi:
D. Sh., 19 vjeç, banues në fshatin Bleran, Njësia Administrative Rrethina, Bashkia Shkodër.
Policia jep detaje se të rinjtë tashme të arrestuar dyshohen se paraditen e datës 2 prill 2021, në fshatin Drisht, në bashkëpunim më njëri-tjetrin, kanë vjedhur nën kërcënimin e armës, një shumë parash në dyqanin e Y. C.
