Çiftet janë gjithmonë në dyshime dhe dilema për marrëdhënien e tyre. Herë-herë të frikësuar se mos gjithçka përfundon, e herë të tjera marrëdhënia përfundon ende pa e kuptuar se si ndodhi. Më poshtë janë disa pika që tregojnë se në rast se ju ndodhin, do të vijë dita kur marrëdhënia juaj do të marrë fund. Por edhe rastet që tregojnë se marrëdhënia juaj është e shëndetshme.
A ndjeheni që të dy sikur jeni “fatlumi” në marrëdhënie?
Nuk duhet të ndjeheni kurrë sikur jeni “fatlumi”, por kjo duhet të funksionojë në të dyja mënyrat.
A e imagjinoni që të dy të ardhmen së bashku, duke u plakur së bashku?
Nëse keni biseduar ndonjëherë se si e imagjinoni ta kaloni kohën e pleqërisë dhe që të dy jeni në skenarin e njëri-tjetrit, atëherë kjo është një shenjë e qartë e një marrëdhënieje të gjatë.
A jeni miqtë më të mirë?
Nëse i thoni çdo gjë njëri-tjetrit, flisni çdo ditë dhe qeshni së bashku, ju jeni për njëri-tjetrin dhe do të jeni përgjithmonë.
A i mbështesni vendimet e njëri-tjetrit?
Është e rëndësishme që të lëmë të lirë partnerin të marrë vendime dhe t’i besojmë e mbështesim edhe në rastet kur në mendojmë krejt të kundërtën, për shkak se çdo njeri ka të drejtë të provojë dhe eksperimentojë në eksperienca që e plotësojnë por nuk e cenojnë marrëdhënien. Në një farë mënyre ju e lini të lirë të zgjedhë sepse e dini që zgjedhja e parë e tij/saj jeni ju.
A bëni gjëra të ndryshme?
Nëse bëni gjithçka së bashku, nuk do të keni për çfarë të bisedoni dikur. Të kesh hobi ndryshe nga partneri dhe të bësh gjëra të ndryshme nga ai, vetëm sa do të shtohet interesi në marrëdhënie
Discussion about this post