Pas 6 muajsh nga aplikimi i testit të drogës nga Policia e Shtetit, 45 nga gati 1750 policë kanë kryer këtë ekzaminim dhe do të duhet që ta përsërisin.
Sipas informacioneve mësohet se të gjithë ata që do të bëjnë testin sërish, kanë rezultuar pozitiv herën e parë. Kësaj radhe do të jetë Instituti i Mjekësisë Ligjore që do vendosë nëse këta efektivë janë ose jo përdorues të lëndëve narkotike.
Deri tani vetëm një punonjëse policie është përjashtuar nga radhët e policsë ndërkohë që të tjerë kanë përdorur si argument se kanë dalë pozitivë për shkak të medikamenteve që kanë marrë më parë.
Analizimi është kryer në mënyrë rastësore ndërsa efektivët e parë kanë qenë nga Drejtoritë Vendore të policisë në Tiranë, Elbasan dhe Shkodër.
Testi i drogës është bërë përmes urinës dhe fijes së flokut për të parë nëse punonjësi i policisë ka konsumuar ose jo lëndë narkotike të llojit kanabis ose kokainë në muajt e fundit.
Discussion about this post