Teuta ditën e sotme ka bërë njoftimin zyrtar sa i përket drejtimit të stolit të saj.
Pa kaluar as 48 orë nga humbja kundër Partizanit, ekipi durrsak e ka gjetur menjëherë zëvendësuesin e trajnerit Edi Martini.
Pas disfatës kundër ‘të kuqve’ të kryeqytetit, trajneri Martini deklaroi tërheqjen nga drejtimi i skuadrës, dhë nga ky moment Teuta i besoi drejtimin e stolit Renato Arapit dhe Bledar Hodos.
Renato Arapi provizorisht mbajti detyrën e trajnerit, ndërsa Hodo atë të ndihmës trajnerit, ndërsa ditën e sotme, është bërë dhe zyrtarizimi i tyre ku klubi njoftoi:
“Klubi i Futbollit Teuta emëron në krye të pankinës blu ish kapitenin legjendar Renato Arapi. I shpallur 1 herë kampion i Superligës Shqiptare, 1 herë fitues i Kupës së Republikës dhe 1 herë fitues i Superkupës me Ekipin e Teutës, Arapi ka shkruar një pjesë të historisë së bluve. Renato Arapi ka qenë së fundi në krye të Teutes në rolin e drejtorit teknik dhe gëzon besimin e plotë të presidentit, klubit dhe skuadrës për të marrë zyrtarisht drejtimin. Një zgjedhje brenda familjes për të synuar objektivat sezonalë. Ai do të marrë nën drejtim skuadrën në seancën stërvitore të rradhës ditën e hënë.”
Discussion about this post