Partizani u rikthye te fitorja në kampionat. Të kuqtë e kryeqytetit mposhtën Teutën në transfertë, me rezultatin 2-0, në sfidën e javës së 21-të në Superiore.
Pjesa e parë u mbyll me rrjeta të paprekur, ndërsa e dyta ishte tjetër histori. Në minutën e 46-të, Janjeva zhbllokoi sfidën, i ndihmuar edhe nga një devijim.
Në minutën e 77-të, ishte afrimi i kësaj merkatoje, Podstrelov, i cili dyfishoi shifrat duke vulosur fitoren.
Me këtë triumf, Partizani merr vendin e parë me 37 pikë, po aq sa edhe Vllaznia. Në krahun tjetër, Teuta mban vendin e shtatë me 23 pikë.
Discussion about this post