Tuta ka mposhtur me rezultatin minimal 0-1 ekipin e Egnatias, duke u rikthyer sërish tek fitorja. Golin e vetëm në Rrogozhinë e realizoi Daci në minutën e 27. Sakaq po sot Laçi ka humbur mundësinë për t’u afruar me Tiranën kryesuese pasi kurbinasit kanë barazuar me shifrat 1-1 kundër Kastriotit. Pas 24 javësh kampionat Laçi renditet në vendin e dytë me 45 pikë, 8 më pak se Tirana kryesuese.
Ndërkohë java e 24 e Superligës mbyllet të martën me Skënderbeu-Dinamo, që mund të cilësohet si derbi i mbijetesës. Korçarët renditen të fundit me 17 pikë, ndërsa kryeqytetasit të parafundit me 20 pikë.
Discussion about this post