Skuadra e Teutës sfidon Laçin në transfertë këtë të dielë. Një përballje shumë e rëndësishme për të dyja ekipet teksa futbollisti i durrsakëve, Blerim Kotobelli ka theksuar se është besimplotë tek suksesi i Teutës.
“Ky kampionat është bërë i pabesueshëm nuk e di në çdo moment se si mund të vijë ndeshja nëse do të fitosh ose do barazosh. Ky kampionat do të futet në një rrjedhë që do të zgjidhet në ditën e fundit. Teuta është me moral të mirë para Laçit deri më tani, gjithsesi kjo është një ndeshje që duhet luajtur dhe fituar. Ekipi duhet të hyjë në fushë me mendimin për ta fituar ndeshjen, pastaj do të shihet çfarë sjell fusha e lojës.
Kemi pak ditë për të rikuperuar forcat. Ne shkojmë në çdo ndeshje për të marrë tri pikët, natyrisht që dhe barazimi është pozitiv, por unë votoj dhe dëshiroj fitoren.
Ndoshta fjala “i druhemi” nuk është ajo e duhura. Duhet të kemi kujdes, pasi Laçi i nevojiten pikë dhe ka një ekip mjaft kualitativ”, tha Kotobelli.
Discussion about this post