Deklaratat e Neymar se ky do të jetë Botërori i tij i fundit për shkak se nuk ka më“forcë psikologjike për t’u marrë me futbollin”, i habiti të gjithë.
Duke reaguar për këto fjalë të Neymar, shoku i skuadrës te Kombëtarja Braziliane, Thiago Silva ka treguar se ai ka kaluar në një situatë të tillë më përpara, ndërsa i ka ofruar mbështetjen e tij sulmuesit të Paris Saint-Germain.
“Në ekipin kombëtar, kam kaluar disa momente që janë shumë të ngjashme me atë që po kalon Neymar, veçanërisht pas Kupës së Botës 2014. Më quanin foshnjë, i dobët, shumë i dobët, mendërisht. Këto janë gjëra që ju lëndojnë dhe ju e dini që nuk jeni ashtu siç quheni. Shpresoj se ai nuk do ta humbasë gëzimin e tij, do të vazhdojë të jetë i lumtur ashtu siç është gjithmonë. Ai është një djalosh shumë i veçantë dhe, kur është i lumtur, duke bërë atë që do, ai ia del. Nëse keni nevojë për dikë të fortë që të jetë pranë jush, dijeni që unë do të jem gjithmonë atje. Familja Silva ju do”,-u shpreh mbrojtësi i Chelseas.
Duket se çështjet e shëndetit mendor janë bërë shumë të përsëritura në botën e futbollit së fundmi, pasi të jesh në qendër të vëmendjes dhe kritikave të çdo ndjekësi të këtij sporti në raste gabimesh ndikon shumë
Neymar i është bashkuar kështu Jack Wilshere, Tyrone Mings dhe Christian Pulisic duke folur për shëndetin mendor këtë vit./K.T/Gijotina.com
