Hidrocentrali i Banjës në Gramsh thuajse po thahet i gjithi, deri në këto momente për shkak të mungesës së rreshjeve të shiut pjesa fundore e tij është tharë.
Në këto kushte kur vuajmë mungesën e energjisë elektrike ky lajm detyron qeverinë të blej energji, ndonësë me çmime rekord.
Në dy ankandet e fundit, OSHEE ka shpenzuar rreth 20 mln euro. Energjia e blerë do të përdoret për periudhën nga data 25 tetor deri në datën-31 tetor dhe pas kësaj date operatori pritet të dalë sërish për të blerë energji.
Së bashku me ankandin e datës 22 tetor kompania ka harxhuar rreth 127.2 mln euro për të siguruar energji gjatë këtij viti. Në këtë pikë ka tejkaluar vlerën totale të energjisë së blerë në 2020-ën me rreth 9 mln euro.
Vazhdimi i blerjes së energjisë me çmimet stratosferike mund të detyrojë OSHEE të përdorë garancinë sovrane prej 100 mln euro të vënë në dispozicion nga qeveria, ndërsa tanimë problem është edhe sigurimi i energjisë në treg pavarësisht çmimit të lartë.
