124 persona kanë rënë në pranga gjatë kësaj jave, ku policia ka bërë kërdinë me operacionet e zhvilluara. Në pamjet e publikuara për bilancin e javës shihen qese me drogë dhe para të sekuestruara. Gjithsej janë zhvilluar 17 operacione policore, 7 prej të cilëve për kapjen e personave që kërkoheshin nga autoritetet policore spanjolle.
Ndërkaq, bëhet me dije se janë arrestuar edhe 97 shoferë për shkelje të rregullave të qarkullimit rrugor. 4 prej tyre janë kapur duke drejtuar automjetet në efektin e lëndëve narkotike. Sipas raportimeve, gjatë kësaj jave janë pezulluar 348 leje drejtimi, nga të cilat: 216 për tejkalim shpejtësie, 80 për drejtim mjeti nën efektin e alkoolit apo në gjendje të dehur dhe 52 për qarkullim në sens të kundërt. Janë arrestuar 4 drejtues mjetesh, pasi janë kapur duke drejtuar automjetet, nën efektin e lëndëve narkotike. Sakaq, bëhet me dije se nuk kanë munguar edhe rastet kur shoferët kanë tentuar të korruptojnë policët dhe për këtë arsye kanë rënë në pranga 3 persona
Discussion about this post