Krizat në Kosovë përsëriten sipas një cikli të rregullt kohor, të paktën kështu e nis artikullin e tij Tim Judah, gazetari që mbulon Ballkanin për revistën ndërkombëtare “The Economist”.
Ndërsa sjell një pasqyrë të situatës në veri të Kosovës dhe bllokimit të jetesës normale në tre javë barrikada, Judah sjell në vëmendje dy sfidat e rëndësishme për Prishtinën dhe Beogradin: planin franko – gjerman për zgjidhjen e njohjes së Kosovës nga Serbia dhe Asosacionin e firmosur në Bruksel në vitin 2013.
Kurti mendon se Serbia nuk është e interesuar për kompromis dhe Serbia nuk do ta njohë kurrë Kosovën, shkruan Judah për intervistën e tij me Kurtin. Gazetari vë përballë Kurtit imazhin e paraardhësit të tij Thaçi, për të vënë në pah se mungesa e raporteve personale mes liderëve e bën shumë më të vështirë gjetjen e një marrëveshjeje.
Judah ka intervistuar edhe dy diplomatë të rëndësishëm, ambasadorin amerikan në Kosovë, Jeff Hovenier dhe emisarin special për të BE-së, Miroslav Lajçak. Sipas diplomatit amerikan, qëllimi përfundimtar është njohja reciproke dhe tensionet e tanishme janë të tejkalueshme.
Ndërkohë, homologu i tij Lajçak, i cili ka vlerësuar tensionet e fundit si më të lartat e 20 viteve të fundit. Sipas gazetarit britanik, Veriu i Kosovës është vendi ku politika dhe krimi i organizuar mbivendosen, edhe më shumë se kudo tjetër në Ballkan.
Discussion about this post