Gazeta angleze ‘The People’ ka nisur ditën sot me një artikull që flet rreth një shqiptari, të dënuar më parë në Angli. Konkretisht, bëhet fjale për Jetmir Buçpapaj me origjinë nga Tropoja, i cili është përfshirë në grabitjen më të madhe në Britaninë e Madhe, por sipas “The People” disa muaj pas lirimit është martuar.
Jetmir Buçpapaj u burgos së bashku me bashkë-patriotin e tij Ermir Hysenaj dhe 5 britanikë në vitin 2008 për vjedhjen e 53 milionë paundëve nga depoja ku përpunoheshin paratë cash për bankomatet në zonën Tonbridge në Kent.
Nga 53 milion paund të grabitura policia gjeti vetëm 23 milion, ndërsa 30 milion paund nuk janë gjetur ende. Sipas ‘The People’, Jetmir Buçpapaj arriti të bindte gjykatësit se ai nuk ishte në posedim të asnjë shume stërlinash nga grabitja. Në këtë kuadër, gjykata vendosi që ai të paguaj vetëm 1 paund. Gjithashtu, 41-vjeçari u dënua me 15 vjet burg për grabitje, rrëmbim dhe armë duke u cilësuar si një prej personave më aktiv në të gjithë këtë grabitje të organizuar.
Jetmir Buçpapaj u lirua nga burgu i sigurisë së lartë Belmarsh, në Londrën Juglindore në gusht të vitit të kaluar dhe u kthye më pas në Shqipëri. Gruaja e parë britanike e Buçpapës, Rebecca, ishte zotuar se do t’i qëndronte pranë, por ipas “The People” ata janë divorcuar ndërsa ai ishte brenda në burg.
Kujtojmë se, Tropojani 35-vjeçar ishte një nga katër burrat e burgosur në vitin 2008 për grabitjen famëkeqe të 53 milionë £, në depot e “Securitas”, në Tonbridge, Kent. Ky ambient shërbente si magazinë parash kesh për të furnizuar sportelet e bankave dhe automatet ATM të shpërndarjes së parave. Kjo në hënoi grabitjen më të madhe të parave cash të ndodhur ndonjëherë në Histori.
