Antonio Konte, pas blerjes së klubit të Newcastle United nga grupi Saudito-Arab, ishte emri më i përfolur për të marrë drejtimin e stolit të kësaj skuadre.
Newcaslte United është blerë nga grupi Saudito-Arab për vlerën e 300 million£ dhe me vlerat monetare që pritet të ‘injektohen’ në të, mund të jetë i denjë të garojë në nivelet më të larta të futbollit anglez.
Në momentet e para të blerjes, pronarët e rinj konfirmuan se do të afrojnë emra shumë të mëdhenj, dhe i pari që u përfol ishte ai i Antonio Kontes.
52 vjeçari ka fituar mjaft tituj prestigjoz me Juventus, Chelsea dhe Inter në karrierën e tij, dhe me marrjen e kësaj detyre të re, ai besohej se mund ti arrijë sërisht këto objektiva.
Nga një analizë e gjigandit anglez ‘The Sun’, Konte rezulton se nuk është i interesuar për këtë pozicion. Ai preferon skuadra që aktualisht janë në garë për tituj kampionë.
Nga ana tjetër Newcaslte United listojnë katër humbje dhe tre barazime, ku momentalisht rrezikon zonën e kuqe të tabelës së Premier Liga.
Një skuadër që lufton për mbijetëse, e ka shumë të vështirë që të konkurojë emra të mëdhenj si Liverpool, Chelsea dhe Manchester City, prandaj mendohet se të gjithë këto fakte, e bëjnë jo të pëlqyeshëm për teknikun italian, sipas The Sun.
