Hetimet për vrasjen e Sabrina Bengajt po thellohen më shumë dhe tashmë po kalojnë dhe në një tjetër prizëm. Ministria e Drejtësisë ka vendosur që të nisë inspektimet edhe për tre mjekët psikiatër, të cilët kanë bërë ekzaminimin mendor të autori të ngjarjes, Elton Bengaj.
Eltoni mbahej i izoluar në burgun psikiatrik të Zaharisë në Krujë pasi në të rëndonte akuza e dhunës në familje, por në fund të korrikut dhe pas dy ekzaminimeve të dyshimta mjeko-ligjore, Begaj është liruar na gjykata, ku pas një muaji vrau me armë gruan e tij. Ky shkak ka bërë që Minsitria e Drejtësisë të vihet në lëvizje dhe të nisë hetimet për mjekët, Ilda Aliko, Dorian Skënderaj dhe Anila Kazaferi, pasi janë hedhur një sërë dyshimesh në lidhje me mënyrën që ata kanë përdorur për ekzaminimin mendor të Elton Bengajt. Ministria e Drejtësisë ka konfirmuar përmes një përgjigje të dërguar për “Ora Neës” që prej datës 22 shtator 2021, i është drejtuar me një e-mail, Institutit të Mjekësisë-Ligjore, duke kërkuar informacion të plotë zyrtar, lidhur me mënyrën proceduriale të kryerjes së dy ekspertimeve psiqike, për të arrestuarin Begaj.
Brenda një afati kohor, Instituti i Mjekësisë-Ligjore, rezulton se ka raportuar pranë Ministrisë së Drejtësisë, duke referuar se ekspertimi i datës 20 nëntor 2020 nga tre mjekët psikiatër është kryer konform procedurave ligjore duke u bazuar. Ndërkohë edhe për aktin e ekspertimit me Nr. 379 të datës 16 korrik 2021, Instituti i Mjekësisë-Ligjore, i thotë ministrisë së Drejtësisë se është kryer konform procedurave sipas vendimit të datës 16 korrik 2021 duke u bazuar sërish tek vizita psikiatrike të kryer në ambientet e IML me datë 18 qershor 2021. Fill pas këtij akti-ekspertimi në datën 26 korrik 2021, ku Piro Sota, prokurori Tafilaj dhe mjekët kanë qenë dakord për kalimin e Bengaj nga spitali psikiatrik në Zahari të Krujës në marrjen e mjekimeve ambulatore në ambientet e shtëpisë.
Ky vendim erdhi, pasi ekspertët psikiatër Ilda Aliko dhe Dorian Skënderaj, kanë argumentuar se ndaj shtetasit Elton Bengaj, rekomandohet masa mjekësore e mjekimit të detyruar ambulator nën kujdesin e një familjari dhe ndjekjen rregullisht tek specialisti psikiatër, duke bërë kështu të mundur lirimin e tij dhe vetëm një muaj me pas Eltoni vrau me armë zjarri bashkëshorten e tij. Ministria njofton se verifikimet për mjekët do të vazhdojnë dhe në bazë të rezultateve do të vendoset nëse do merren masa ndëshkuese ndaj tyre apo jo.
