Një audio përgjim i një gazetari u publikua në mediat e Tiranës gjatë ditës së sotme. Në audiopërgjim, gazetari Adriatik Doçi tregon se si sulmon zyrtarë, deputetë, gjyqtarë, prokurorë, drejtorë dhe ministra, dyshohet për interesat e tij. Doçi tregon se nuk ka rëndësi nëse informacionet janë të sakta apo jo dhe se lajmet i përpunon vetë.
Më pas tregon ndërhyrjet që i bëhen për të hequr shkrimet nga të cilat, përfitues duhet të jetë ai. Pas publikimit të dy audiopërgjimeve, gazetari i dyshuar si gjobëvënës ka pasur debat me gazetarin që ka bërë publik dy audiopërgjimet.
Përmes një postimi në rrjetet sociale, Naim Noka, gazetari dhe redaktori i portalit Publiklive, ku janë publikuar audiopërgjimet, shkruan se nuk shantazhohet dhe as frikësohet nga sms-të e Doçit.
“Dy fjalë ‘patllakes gjobëmedia’. Unë në të drejtën time profesionale nuk shantazhohem e frikësohem nga ‘sms’ e tua Adriatik! Më shpejtove botimin e Pjesës Nr 2”, shkruan Noka në rrjetet sociale. Kështu ka lindur një përplasje e fortë mes dy gazetarëve.
Adriatik Doçi më pas ka reaguar, duke u shprehur se nuk shantazhohet, Doçi hedh akuza në drejtim të gazetares që sipas tij ka realizuar audi-çimkën dhe po keqpërdoret nga një person i tretë, të cilin e identifikon pikërisht si Naim Noka.
BISEDA:
Doçi: E kështu kështu funksionon kjo bota e mediave dhe unë befas fillova të kuptoj që kisha një pushtet shumë të fortë.
Një pushtet që të ndihmon të përulen dekanë, pedagogë, drejtorë, ministra, deputetë, gjyqtarë, prokurorë.
Pse? Vetëm nga informacioni që ke. Biznes…Deri tek kryeministri.
Gazetarja: Duhen të sakta të gjitha informacionet?
Doçi: S’ka rëndësi, të kesh vetëm një gjë të saktë dhe ti krijon perceptimin.
Gazetarja: I përpunon vetë?
Doçi: Po i përpunon vetë. Unë nxora dje një që çonte punësime në Gjermani. Kush nuk më ka hyrë dje mik për t’ja hequr shkrimin. Unë nuk hyj fare në marrëveshje me atë sepse ai është mashtrues. Jo çdo gjë që bën ti bëj marrëveshje unë se s’ka kuptim pastaj.
Ornela Jaupi dhe Ylli janë dy mashtruesat e punësimit. Ky tani ka hap kompani dhe janë dy vajza por këto s’kanë lidhje, ky është kryesori, del me sheikë, kytani ça s’ka bërë, ia kam rrënuar imazhin, futen njerëzit në Google dhe del foto e këtij. Ky çfarë nuk ka bërë që t’ja heq shkrimin. Unë as nuk e njihja, jam juriste te Ora News, ma hiq të lutem, mos harro këto që folëm bashkë, shihi kur të mundesh. Ka çuar link. Më tha po shikoj artikullin.
E shikon çfarë ndërhyrjesh më bëjnë apo jo? Ja çfarë përgjigje i kthej. Po ta kishe vlla dhe kunat do të ndihmoja. Le kështu ndërhyrje të tjera.
Kisha një dosje njëherë ishte një kryetar gjykate në Elbasan edhe prokuroria ndiqte një grup që shiste drogë, kokainë. Ata ishin shumë të fuqishëm. I kishin lekët me valixhe, ata e kishin korruptuar këtë gjyqtarin. /CNA.al/
Discussion about this post