Policia e Lezhës ka arrestuar një 33-vjeçar i cili kishte thyer masën e sigurisë të vendosur nga Gjykata e Lezhës. Gjykata i kishte vendosur masën “Arrest në shtëpi” për veprën penale “Prodhim dhe shitje narkotikësh”, teksa i riu nuk e zbatonte këtë urdhër. Menjëherë uniformat blu janë vendosur për kontroll në banesën e të riut M.V, por ai nuk ndodhej në banesë. Policia mundi ta arrestojë 33-vjeçarin në vendin e quajtur “Rrethrrotullimi i Shëngjinit”, në Lezhe. Ai është dërguar sërish në komisariat, ku pritet që të ketë të tjera masa që do të merren ndaj tij, për këtë veprim. Materialet hetimore janë referuar në Prokurorinë e Rrethit Gjyqësor Lezhë.
