Lionel Messi, këtë mbrëmje në kualifikueset e Botërorit 2022 për Amerikën Latine ka mundur të shkruajë historinë me hat-trickun e tij kundër Bolivisë, që vendosi dhe rezultatin final të takimit midis tyre, 3-0.
Tre golat e shënuar këtë mbrëmje i dhanë mundësinë Messit të arrijë kuotën e 79-ë në karrierë me Kombëtaren e Argjentinës, duke u bërë në këtë mënyrë golashënuesi më i mirë i Amerikës Latine.
I pyetur nga mediat se si ndihej pas kësaj arritje historike, Messi përgjigjet: “Vërtet e shijova shumë këtë. E kam kërkuar shumë dhe e kam ëndërruar shumë. Kam gjithë jetën qe e pres këtë moment dhe më në fund erdhi. Nuk ka vend më të mirë të festosh këtë arritje sesa këtu. Nëna dhe vëllai im janë gjithashtu këtu. Ata kanë vuajtur shumë, dhe tani janë këtu për të festuar me mua.”
Ky moment historik ishte pikërisht në shtëpinë e Messit, në Buenos Aires, ku ai mundi të thyejë rekordin e mëparshëm të Pele, me 77 gola të shënuar. /Gijotina.com
