Ish-futbollisti i skuadrës së PSG, Thiago Motta ka zbuluar një prapaskenë në rekordmenët e Francës kur drejtoheshin nga trajneri Karlo Anceloti. Ai ka folur për mënyrën se si italiani arrinte të bënte për vete lojtarët.
“Kur isha pjesë e PSG-së, një ditë shkuam pas stërvitjes në një restorant elegant me 11 shokë skuadre, pranë Harkut të Triumfit. Në një moment, është Lavezzi na thotë: “Do të telefonoj trajnerin Ancelotti që të bashkohet ne.” Na kapi paniku dhe i thamë Lavezzit: “Jo Pocho, nuk duhet të thërrasim trajnerin, je i çmendur, do t’i shkaktosh telashe”.
Por Lavezzi e telefonoi Ancelottin, gjithsesi, dhe gjëja e parë që i tha Carlos ishte: “Ku je?” Pastaj u përpoq ta bindte që të bashkohej me ne. Kur e mbylli telefonin, menduam se nuk do të vinte, por pas pesëmbëdhjetë minutash ai është aty. Pastaj nisi të pinte me ne dhe të na tregonte disa histori të mrekullueshme nga Milani.
Pas disa momentesh, ai u ngrit dhe na tha: “Tani është koha. Duhet të shkoj në shtëpi. Ju bëni çfarë të doni këtu, por të dielën pres të zhvilloni një lojë të mrekullueshme.”
Ai u largua dhe ne thamë me vete: “Si të mos luajmë për të, sa duhet të fitojmë të dielën? Të paktën 5-0?” Të dielën fituam dhe bëmë një ndeshje të mrekullueshme”, shpjëgoi Thiago Motta.
Discussion about this post