Një sherr me thika ka ndodhur këtë mbrëmje në Laprakë të Tiranës.
Autori mësohet se është Elton Myrgjyshi. Ai ka plagosur tre persona.
Viktor Rrapollari është plagosur rëndë, pasi thika i ka prekur zemrën. Ai ndodhet në gjendje kritike. Ndërsa u plagosën edhe shtetasit me inicialet M.M dhe R.Rr.
“Më datë 04.03.2023, në Laprakë, në një lokal, shtetasi E. Gj., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve.
Shërbimet e Policisë po kontrollojnë në zonë për kapjen e autorit.
Grupi hetimor po punon për sqarimin e rrethanave të ngjarjes”, tha policia.
Discussion about this post