Këngëtarja e njohur Ronela Hajati nuk arriti që të kualifikohej për në finalen e madhe të Eurovisionit që po mbahet në Torino, Itali.
Artistja ia doli të rrëmbente vëmendjen e të gjithëve me performancën e saj, gjë që dukej dhe nga brohorimat e forta të publikut në festival të cilën e përkrahën shumë Ronelën. Skualifikimi i Shqipërisë solli një mori komentesh negative në profilin zyrtar të Eurovisionit. Të zhgënjyer, fansat nga e gjithë bota kanë shprehur se kjo ishte një padrejtësi.
Mirëpo përveç komenteve përkrahëse për Ronelën dhe kundër vendimit të Eurovisionit ka pasur dhe personazhe të cilët mendojnë se vendimi i tyre ka qenë i drejtë pasi artistja nuk ka pasur një këngë të përshtatshme.
Ditën e sotme mjeku infeksionist Tritan Kalo ka reaguar nëpërmjet një postimi në rrjetin e tij social Facebook ku ka shprehur pakënaqësitë e tij në lidhje me kuptimin e këngës dhe performancën në festival.
Sipas Tritanit kjo gjë ishte një degradim në jetën artistike pasi përveç pasthirrmave ishin dhe gjestikulacionet erotike të kërcimit. Ai ka shtuar se kjo gjë ka sjellë dëmtimin e gjithçkaje, si në politikë, rinisë, muzikës apo dijëmarrjes.
Kalo ka shprehur keqardhje për të gjithë vendin dhe e cilësoi si një gjë inkurajuese për braktisjen e të rinjve nga Shqipëria.
“Mirmëngjes e ditë të mbarë miq, të afërm, dashamirës e bashkëatdhetarë. A mundet ndokush të më sqarojë, se çfarë “Sekreti” fshehu në Eurovizion këngëtarja Ronela Hajati. Degradimi i shumshkaje në jetën tonë artistike kulmoj mbrëmë me këtë përfaqsim, ku përpos pasthirmave ishin edhe gjestikulacionet erotike të kërcimit, ato që krijonin jo pak “ndotje akustike” dhe “pullëkuqëzime pamore”. Shumë e tristë për të gjithë ne, dhe shumë inkurajuese për braktisjen e vëndit drejt thejqafjes emigratore sidomos nga të rinjtë. Quo vadis Shqipëria ime e këndej Drinit!”
Discussion about this post