Anglia humbi dje ndaj Italisë në finalen e Kampionatit Europian dhe pas ndeshjes gjërat nuk kanë shkuar aspak ashtu siç duhej për tifozët.
Disa huliganë (veprimet atyre njerëzve tregojnë se janë të tillë) kanë shkuar në daljen e tifozëve të Italisë dhe kanë dhunuar këdo që guxonte të dilte nga “Wembley”.
Nuk bënin asnjë dallim: të rinj, të vjetër e fëmijë. Në atë zonë ishin të pranishëm vetëm stjuartët e stadiumit, që e kishin të pamundur të ndalnin dhunuesit.
Ky në fakt nuk ishte incidenti i vetëm i tifozëve të Anglisë ditën e djeshme. Sheshet dhe rrugët e Londrës e jo vetëm ishin mbushur me plehra.
Në video duken edhe xhama të thyer nga njerëz të papërgjegjshëm që na kthyen edhe një herë pamjet e atyre që ishin para se klubet angleze përjashtoheshin 5 vite nga kompeticionet ndërkombëtare.
