Norvegjia ka kaluar në epërsi ndaj Kosovës me rezultat 1-0 në miqësoren që po zhvillohet në Oslo.
Kosova e nisi mirë takimin, duke pasur iniciativë në disa momente, por që në rastin e parë Norvegjia arriti të shënojë.
Në minutën e 15-të, David Moller Ëolfe harkoi bukur në zonë për ta gjetur Erling Haalandin, i cili me një goditje potente nuk gabon duke e çuar topin në rrjetë. Rezultati shkon në 1 me 0.
Pas golit, Kosova mbeti pa Valon Berishën, që nuk mundi të vazhdojë lojën pas një dëmitmi, ndërsa në vend të tij u fut Albion Rrahmani.
Në minutën e 36-të, Haaland ka mundur të shënojë edhe golin e dytë me kokë, por Visar Bekaj bëri një pritje të madhe duke e dërguar topin në këndore.
Pas pak minutash edhe Elbasan Rashani u largua nga fushë pas një dëmtimi, ku në vend të tij u fut Bernard Berisha.
Kosova kishte dy mundësi në fund me Leart Paqaradën dhe Edon Zhegrovën, por gjuajtjet përfunduan jashtë kuadratit të portës.
Në minutën e dytë shtesë, Zhegrova asistoi te Rrahmani, por goditja e tij me kokë shkoi ngjitur me shtyllën.
Me këtë rezultat 1-0 është mbyllur edhe pjesa e parë e ndeshjes.
Discussion about this post