Hakan Calhanoglu pretendon se tifozët e Milanit duan të bëjnë fotografi me të kur ta takojnë nëpër qytet dhe e quan Milan Skriniar si shokun e skuadrës që i ka bërë më shumë përshtypje.
Reprezentuesi turk përfundoi nga një transferim falas prej Milan te Inter këtë verë. Ai kishte kaluar katër sezone me Kuqezinjtë e Italisë para se të transferohej në anën tjetër të Milanos.
Duke folur në një intervistë për ‘Il Corriere dello Sport’, Calhanoglu zbuloi reagimin e tifozëve të Milanit kur ata e takuan atë rreth qytetit.
“Unë jam takuar me shumë tifozë të Milan sepse shpesh shkoj për të ngrënë me familjen time në restorant. Ata më kërkojnë fotografi dhe thonë se më duan. Unë nuk kam pasur probleme me askënd në Milano dhe jam ende në kontakt me ish -shokët e mi të skuadrës ”.- u shpreh 27-vjeçari.
Ndërsa për derbin me Milan që do të zhvillohet me 11 nëntor, turku u pyet nëse do të festojë në rast se do shënojë kundër ish-klubit të tij, lojtari tha: “Nëse ndodh, unë do të festoj si zakonisht.”
Zikaltërit shitën Romelu Lukaku dhe Achraf Hakimi pas nënshkrimit të tij, ndërsa duket se ecuria e këtij sezoni nuk është në nivelet më të mira./K.T/Gijotina.com
