Klubi i Futbollit Crvena Zvezda (Ylli i Kuq) u ndëshkua me mbylljen stadiumin në ndeshjen e ardhshme të Superligës Serbe, për shkak të sjelljes së pahijshme të tifozëve.
Bardhekuqtë e Beogradit nuk do të kenë mbështetje nga tribuna në ndeshjen ndaj Radniçkit të Kragujevacit, e cila është planifikuar për të hënën.
Kampionët aktualë serbë u ndëshkuan për trazirat si dhe sjelljen e rëndë në përgjithësi të tifozëve të tyre në ndeshjen e javës së 26-të kundër Novi Pazarit, e cila përfundoi me rezultat 5-1.
Vendimi është marrë nga Komisioni Disiplinor i Federatës së Futbollit të Serbisë në seancën e mbajtur të enjten, dhe të gjitha me rekomandimin e ardhur direkt nga FIFA, raportohet nga “Sport klub”.
Discussion about this post