Një 12-vjeçar nga Kato Patisia i ka dhënë fund jetës mbrëmjen e së premtes në rrethana misterioze. Fëmija është gjetur i varur në dhomën e tij nga prindërit, të cilët në gjendje shoku kanë thirrur ambulancën. Ndërkaq autoritetet po ngrenë pista hetimi për këtë rast të rëndë.
Një nga skenarët e konsideruar nga Policia është se fëmija ka marrë pjesë në sfidën e lojës online “Blackout”, një lojë vdekjeprurëse e platformës TikTok .Policia e cila ka hyrë në dhomë ka gjetur celularin pranë 12-vjeçarit. Është celulari ai që do të japë përgjigje për shkaqet e tragjedisë, pasi policia do të shohë nëse ai ka pasur një bisedë që shpjegon arsyet e vetëvrasjes apo ka pasur diçka tjetër që e ka shqetësuar.
Lajmi u përhap edhe në zonën e Pagratit , pasi 12-vjeçari ishte një sportist i njohur. Madje, fundjavën e kaluar ai do të merrte pjesë në lojërat panhelenike në Lutraki të cilat u zhvilluan në një atmosferë zie për shkak të ngjarjes tragjike.
Çfarë është sfida e “Blackout”?
“Blackout” apo sfida e ndërprerjes i inkurajon pjesëmarrësit të mbytin veten , me fije ose kabllo , derisa të humbasin përkohësisht vetëdijen, të filmojnë një video dhe më pas ta ngarkojnë atë në Tik Tok. Rreziqet e lojërave të fatit janë serioze pasi mund të shkaktojnë dëmtime të trurit dhe madje të jenë fatale.
Discussion about this post