Tirana arrin të fitojë një tjetër derbi, këtë herë në “Elbasan Arena” ndaj Dinamos. Një fitore 1-0 për bardheblutë e Orges Shehit që në këtë mënyrë vazhdojnë edhe marshimin e tyre drejt titullit kampion, ndërsa i falet Devid dhe Bekës, të cilët ishin edhe “herojntë” e kryesuesve në këtë takim.
23′ vjen rasti ideal për Dinamon. Sabien Lilaj lëviz bukur në zonë, por nuk ia del të dërgojë topin në rrjetë, pasi gjeti të përgatitur portierin Visar Bekaj. Menjëherë dinamovitët do të gjenin golin e avantazhit m Ali Samake që gjen rrjetën dhe mposht gardianin e kryesuesve. VAR-i anulon festën për prekje të topit me dorë nga lojtari i ekipit të Vanolit.
Goli do të vinte në minutën 69-të me Tiranën që gjen golin e avantazhit. Simon pret gjuajtjen e Totres. Asist i Redon Xhixhës dhe gol i brazilianit Devid dhe festa tani është e gjitha për kampin bardheblu.
Minuta të qeta në “Elbasan Arena” dhe duhej të vinte 87’ që të kishim një tjetër rast për gol, me Dinamon që fiton penallti por Bekaj bën heroin, teksa grushton gjuajtjen e kapitenit Agim Ibrahimi.
Ndeshja nuk do prodhonte më raste të tjera me sfidën që mbyllet në favor të Tiranës e cila siguron një tjetër 3 pikësh, ndërsa Dinamo nuk arrin të fitojë as këtë derbi, me Vanolin që debuton me humbje në stolin e dinamovitëve.
Blutë tashmë rrezikojnë mbijetesën ndërsa ndodhen në vendin e 9-të me 23 pikë. /gijotina.com
Discussion about this post