Java e 12-të e Superligës Shqiptare dhuroi rezultate surprizë, ku Teuta dhe Tirana kanë fituar ndeshjet respektive për të forcuar pozitat e tyre në renditjen e përgjithshme.
Në ‘Elbasan Arena’ u mbaj takimi mes Dinamos dhe Teutës, që përfundoi me triumfin e ‘djemve të detit’ me rezultatin 1-0.
Kjo sfidë u zhbllokua në minutën e 51’ ku gabimi i portierit Bakaj, i kushtoi humbjen skuadrës së Dinamos. Një goditje këndi nga ana e Teutës u grushtua në mënyrë te gabuar nga gardiani dinamovit, që e dërgon topin në rrjetën e tij, duke i dhënë golin e epërsisë Teutës së Renato Arapit, që largohen nga kjo përballje me tre pikë të plota.
Nga ana tjetër, në ‘Air Albania’ Tirana priti Kastriotin e vendit të fundit të renditjes, për ti ‘dënuar’ këta të fundit me rezultatin 3-0.
Seferi hapi serinë e golave në minutën e 23’, dhë në fundit të pjesës së parë do të realizonte dopietën personale në këtë takim, duke i dërguar shifrat e pjesës së parë në 2-0. Do të ishte Ngo që do të gjente dhe ai rrjetën në këtë takim në minutën e 74’, duke i dhuruar Tiranës avantazhin e pastër me rezultatin 3-0.
Në përfundim të këtyre takimeve, Tirana forcon pozitat në kreun e renditjes me 27 pikë, ndërsa Teuta ka arritur të pozicionohet në vendin e katërt me 17 pikë.
Discussion about this post