Julian Ahmataj nuk është më trajneri i bardhebluve.
Presidenca e Tiranës ka shkarkuar 44-vjeçarin, i cili qëndronte në pankinë prej 5 tetorit, kur zëvendësoi Orges Shehin. 19 ndeshje në total regjistroi Ahmataj në aventurën e dytë si trajneri i rekordmenëve të futbollit shqiptar.
Tirana renditet në vendin e katërt pas javës së 24-t në Superiore. Me 34 pikë, dy më shumë se Dinamo, por kjo e fundit ka një takim më pak.
Tirana luan në shtëpi kundër Laçit në takimin e ardhshëm. Ndërkohë, tifozët presin me kuriozitet se cili do të jetë trajneri i tretë i skuadrës së tyre të zemrës gjatë këtij edicioni.
Discussion about this post