Një 54-vjeçar është arrestuar nga policia pasi akuzohet se ka kanosur fëmijët dhe bashkëshorten se do ti digjte me benzinë, e më pas i ka vënë flakën banesës në Kamëz. Në pranga u vu Bashkim Domi.
“Shërbimet e Komisariatit të Policisë Nr. 5, pas marrjes së njoftimit se në rrugën ‘Tuk Jakova’, një shtetas kishte kanosur për jetën familjarët e tij, menjëherë kanë organizuar punën për vënien e autorit përpara përgjegjësisë penale. Si rezultat i veprimeve profesionale të punonjësve të Policisë, është kapur dhe vënë në pranga shtetasi B. D., 54 vjeç”, njoftoi policia.
Të njëjtat burime shpjegojnë se ditën e djeshme, në rrugën “Tuk Jakova”, ky shtetas dyshohet se ka kanosur bashkëshorten e tij dhe fëmijët e tyre se do t’i digjte me benzinë dhe më pas i ka vënë zjarrin banesës.
Nga zjarri raportohen vetëm dëme materiale.
Discussion about this post