Lumturi Zaimi, 69-vjeç ka ndërruar jetë si pasojë e asfiksisë, pasi banesa e saj është përfshirë nga flakët. 69-vjeçarja, Lumturi Zaimi ka ndërruar jetë nga asfiksia teksa dysheku me të cilin ishte mbuluar teksa flinte ka marrë flakë gjatë natës.
Mësohet se dyshimet e para për rënien e zjarrit janë se shkak mund të jetë bërë batanija elektrike, me të cilën e ndjera ngrohej.
Ngjarja ka ndodhur në rrugën “Loni Ligori” në Astir, ndërsa mësohet se e ndjera jetonte e vetme.
Policia dhe zjarrfikësja janë njoftuar nga e bija. Gruaja është gjetur nga vajza në banesën e saj e vdekur. Dyshohet të jetë asfiksi pasi kur zjarrfikësja ka mbërritur nuk kanë konstatuar flakë.
Trupi i pajetë do të transportohet drejt morgut për ekspretizë mjeko-logjore me qëllim përcaktimin e shkakut të vdekjes.
Grupi hetimor nën drejtimin e Prokurorisë vijon punën për sqarimin e plotë e rrethanave të ngjarjes.
