Tiranë/ Gruaja i lë takim bashkëshortit, por i çon dy burra të cilët e bëjnë për spital

Një 33-vjeçare është arrestuar nga policia e Tiranës pasi akuzohet se ka ushtruar dhunë ndaj bashkëshortit të saj.

“Specialistët për Hetimin e Krimeve në Komisariatin e Policisë Nr. 3 arrestuan shtetasen E.S., 33 vjeçe, banuese në Tiranë, pasi në mënyrë të vazhdueshme dyshohet se ka ushtruar dhunë ndaj bashkëshortit të saj, 35 vjeç, banues në Institut”, njoftoi policia këtë të hënë.

Sipas të njëjtave burime: Më datë 31.08.2024, 33-vjeçarja ka lënë një takim me bashkëshortin e saj në afërsi të Urës së Institutit. Në vendtakimin e caktuar, kanë shkuar dy persona ende të paidentifikuar, të cilët kanë ushtruar dhunë ndaj 35-vjeçarit. Ky i fundit, si pasojë e dëmtimeve të marra ndodhet në spital, në kujdesin e mjekëve.

Dhuna ndaj 35-vjeçarit, thanë burime policore, dyshohet të jetë porositur nga bashkëshortja e tij.