Pak ditë më parë, një konflikt i ndodhur në një prej lokaleve të rrugës “Mustafa Matohiti” në tiranë, ka përfunduar në komisariatin nr.1. Mësohet se sherri nisi fillimisht me fjalë mes një djali dhe vajze në një tavolinë. Por situata degradoi deri në përdorimin e shpullave mes njëri-tjetrit.
Pas përplasjes, vajza ka bërë kallëzim në polici dhe kjo e fundit ka nisur veprimet proceduriale. I riu është shoqëruar në komisariat dhe përmes dëshmisë së tij ka sqaruar ngjarjen.
Ai ka pretenduar se fillimisht ka nisur një sherr mes tyre dhe më pas vajza e ka qëlluar me shpullë, të cilën ia ka kthyer dhe ai. Pas përfundimit të marrjes në pyetje policia po e heton në gjendje të lirë, teksa materialet janë referuar në Prokurorinë e Tiranës.
Ditën e sotme në Komisariatin nr. 1 në Tiranë është paraqitur babai i vajzës, Muharrem Koni, kryeplak i fshatit Bërxullë, i cili ka kërkuar arrestimin e djalit që sipas tij i ka dhunuar vajzën, teksa hedh akuza ndaj policisë për mosveprim.
Discussion about this post