Një tjetër koalicion do të marrë pjesë në zgjedhjet lokale të 14 majit. “Aleanca Liberale e Djathtë” dorëzoi dokumentacionin mbrëmjen e së mërkurës në Komisionin Qendror të Zgjedhjeve.
Ky koalicion përbëhet nga tre parti; Partia Balli Kombëtar Demorkat, Bashkimi Liberal Demokrat dhe Partia Bashkimi Demokrat.
Për këtë koalicion, kanë dhënë firmën 3 deputetë të Partisë Demokratike. Ata janë; Luan Baçi, Tritan Shehu dhe Edmond Spaho.
Sigla e koalicionit do të jetë ALD.
“Bashkë Fitojmë” është kuoalicioni që po ashtu dorëzoi sot në KQZ kërkesën për regjistrim në zgjedhje. Pjesë e saj janë Partia Demokratike, Partia e Lirisë, Partia Demokristiane dhe Partia Bashkimi për të Drejtat e Njeriut.
Siç deklaroi më herët Berisha për mediat, “koalicioni opozitar do të jetë i gjerë”, ndërsa do të mbështeten për kryebashkiak kandidatët e dalë nga primaret e PD.
Discussion about this post