Tjetër shpërthim me lëndë plasëse në banesë, këtë herë në Tropojë

Një tjetër shpërthim me lëndë plasëse është regjistruar orët e vona të mbrëmjes së djeshme në banesën e një shtetasi në fshatin Mserr, në Tropojë.

Nga shpërthimi ka patur vetëm dëme të vogla materiale në ambientet e jashtme të kësaj banese.

Grupi hetimor, në drejtimin e Prokurorisë, vijon punën për zbardhjen e rrethanave të rastit, si dhe për identifikimin e kapjen e autorit/ëve.

Në orët e  para të mëngjesit të sotëm, një shpërthim me tritol u regjistrua në Orikum.

Autoritetet policore raportojnë se shpërthimi është regjistruar në verandën e banesës së shtetases Elansi Bellos, 68 vjeçe, ku sipas bluve, dyshohet se ka shpërthyer një sasi e vogël lëndë plasëse artizanale.

Njoftimi i policisë:

Tropojë/Informacion paraprak

Rreth orës 22:30, në afërsi të banesës së shtetasit A. P., në fshatin Mserr, dyshohet se ka shpërthyer një lëndë plasëse. Si pasojë janë shkaktuar dëme të vogla materiale në ambientet e jashtme të kësaj banese.

Grupi hetimor, në drejtimin e Prokurorisë, vijon punën për zbardhjen e rrethanave të rastit, si dhe për identifikimin e kapjen e autorit/ëve.