Turqia nuk gjen qetësi. Një tërmet me magnitudë 4.1 ballë i shkallës Rihter është regjistruar rreth orës 21:22 me orën lokale në Gjirin e Izmirit, rreth 5 kilometra nga rrethi i Foçës.
Tërmeti ka ndodhur në një thellësi prej 14.5 kilometra.
Qytetarët në qarkun e Foçës kanë dalë në panik në rrugë. Sipas informacioneve të marra nga Presidenca e Menaxhimit të Fatkeqësive dhe Emergjencave (AFAD), tërmeti është ndjerë edhe në Izmir dhe rrethet përreth.
Guvernatori i Izmirit Yavuz Selim Köşger deklaroi se nuk kishte asnjë informacion në lidhje me humbjet e jetës dhe pronës për shkak të tërmetit.
“Në qytetin tonë, Foça, ka ndodhur një tërmet me magnitudë 4.1 ballë. Nuk kemi marrë asnjë informacion për humbje jete dhe prona. Shërohuni shpejt Izmir. Zoti e ruajtë vendin tonë nga fatkeqësitë ” shkruajti ai në rrjetet sociale.
Discussion about this post