Vetëvritet 33-vjeçari në Elbasan, qëllon veten me thikë në zemër

Pas vrasjes së dyfishtë në Kavajë, një tjetër person ka gjetur vdekjen në një qytet tjetër të Shqipërisë.

Bëhet fjalë për Sali Hajdarin. 33-vjeçari u plagos me thikë pak minuta më parë në Elbasan. Dyshohet se ai ka plagosur veten, deri në atë pikë sa ka ndërruar jetë.

“Rreth orës 19.00, në lagjen “Dyli Haxhire”, shtetasi Sali Hajdari 33 vjeç, dyshohet se ka plagosur veten me thikë dhe si pasojë e plagës ka humbur jetën në spital.

Nga veprimet e para hetimore rezulton se 33-vjeçari dyshohet se vuante nga probleme të shëndetit mendor dhe ka dëmtuar veten me thikë në zemër.

Grupi hetimor po punon për sqarimin e plotë të rrethanave të ngjarjes”, tha policia.