Tjetër vrasje, i moshuari në Memaliaj ekzekutohet dhe hidhet në kanal

Rritet numri i vrasjeve në vend gjatë orëve të fundit, teksa hetimet për ngjarjen në fshatin Zhapokike 2, Memaliaj, marrin një kthesë të re.

Burime policore konfirmojnë se 72-vjeçari Faik Ajdini, i cili mëngjesin e sotëm u gjet i pajetë nga familjarët në një përrua në afërsi të fshatit, dyshohet se është vrarë.

Ndërkohë, autori i dyshuar është identifikuar nga policia dhe shpallur në kërkim.

Nga këqyrja paraprake në trupin e të ndjerit, është arritur në konkluzionin paraprak se i moshuari është goditur në kokë dhe në qafë me mjete prerëse. Nga dëmtimet, dyshohet se më pas ka humbur edhe jetën.

Sipas pistës fillestare, Faik Ajdini është qëlluar për vdekje dhe për të humbur gjurmët, vrasësi e ka hedhur në humnerë.

Ndërkaq, alarmin për humbjen e gjurmëve të të moshuarit e kanë dhënë familjarët e tij, të cilët kishin më shumë se 48 orë pa asnjë kontakt me të. Ndërkaq, Policia e Gjirokastrës ka ngritur 2 postblloqe në aksin nacional Memaliaj-Krahës dhe në akset lokale Memaliaj-Sektori i Tretë dhe Krahës-Rabijë.

Lexo edhe:

Pse u vra 72-vjeçari në Memaliaj? Dyshimet për krimin